KOMPANIYA HAQIDA

«O’zmaxsusmontajqurilish» aksiyadorlik kompaniyasi 1970 yili Montaj va maxsus qurilish ishlari Vazirligi sifatida tashkil etilgan edi. Respublika mustaqillikka erishganidan so’ng Vazirlik O’zbekiston Respublikasi Prezidentining Farmoni bilan 1992 yil "O’zmontajmaxsusqurilish" Uyushmasiga, keyinchalik 2014 yili «O’zmaxsusmontajqurilish» aksiyadorlik kompaniyasiga aylantirilib uning tarkibidagi tashkilotlar xususiylashtirildi. O’sha davrda xalqimiz va hukumatimiz oldida Respublikaning iqtisodiy salohiyatini oshirish.. batafsil

02.10.2017

Халқаро ҳамкорлик кенгаймоқда

Ўзбекистон Савдо-саноат палатаси, Навоий вилояти ҳокимлиги ҳамкорлигида ташкил этилган тадбирда Бухоро, Самарқанд ва Навоий вилоятларида фаолият юритаётган кичик бизнес субъектлари вакиллари иштирок этди.

Мамлакатимизда кичик бизнес ва хусусий тадбиркорликни ривожлантириш, халқаро молия институтлари билан ҳамкорликни янада мустаҳкамлаш, хорижий инвестицияларни кенг жалб этишга алоҳида эътибор қаратилаётгани таъкидланди. Хусусан, Европа тикланиш ва тараққиёт банки билан ҳамкорлик йилларида иқтисодиётимизнинг турли тармоқларига 500 миллион доллардан зиёд маблағ жалб қилиниб, бунинг самарасида 54 лойиҳа ҳаётга татбиқ этилди.

Президентимиз Шавкат Мирзиёевнинг жорий йил 16 март куни мамлакатимизга расмий ташриф билан келган Европа тикланиш ва тараққиёт банки президенти Сума Чакрабарти билан учрашувида банк томонидан кичик бизнес ва хусусий тадбиркорликни қўллаб-қувватлашга доир ўзаро манфаатли ҳамкорлик ўрнатиш масалаларига алоҳида эътибор қаратилгани бу борадаги ишларни янги босқичга кўтаришга хизмат қилмоқда.

Европа тикланиш ва тараққиёт банкининг Марказий Осиё ва Россия бўйича бошқарувчи директори Наталя Ханженкованинг таъкидлашича, мамлакатимизда кичик ва ўрта бизнесни янада тараққий эттириш, уларга молиявий кўмак бериш мақсадида тижорат банклари билан ҳамкорликда тизимли ишлар йўлга қўйилади. Бу маҳаллий тадбиркорлик субъектларини модернизация қилиш ва уларнинг жаҳон бозорига чиқишида муҳим омилдир.

– Тадбиркорлик фаолиятимизни бошлаган илк даврда мазкур банк маблағларидан самарали фойдаланган эдик, – дейди Бухоро вилоятидаги “Феруз Азиз Бухорий” хусусий корхонаси раҳбари Эркин Тўқсонов. – Хусусан, қатор имтиёзлар, кредит шартлари қулайлиги бизга маъқул. Бугунги семинарда тадбиркорлар учун яратилган қўшимча янгиликлар хусусида атрофлича маълумот олдик.

Тадбирда Навоий вилояти ҳокими Қ.Турсунов сўзга чиқди.

O'zA agentligi

Возврат к списку


загрузка карты...