KOMPANIYA HAQIDA

«O’zmaxsusmontajqurilish» aksiyadorlik kompaniyasi 1970 yili Montaj va maxsus qurilish ishlari Vazirligi sifatida tashkil etilgan edi. Respublika mustaqillikka erishganidan so’ng Vazirlik O’zbekiston Respublikasi Prezidentining Farmoni bilan 1992 yil "O’zmontajmaxsusqurilish" Uyushmasiga, keyinchalik 2014 yili «O’zmaxsusmontajqurilish» aksiyadorlik kompaniyasiga aylantirilib uning tarkibidagi tashkilotlar xususiylashtirildi. O’sha davrda xalqimiz va hukumatimiz oldida Respublikaning iqtisodiy salohiyatini oshirish.. batafsil

25.02.2019

Иқтисодиётимизда инфляциянинг ўрни қандай?​

Матбуот анжуманида таъкидланганидек, Инфляция барча товар ва хизматларга бўлган нархларнинг кўтарилишидир. Инфляция даражасини ҳисоблашда асосан нархларнинг ўсиш динамикасини ифодаловчи кўрсаткичлардан фойдаланилади. Инфляцияни ҳисоблашда асосий кўрсаткич – нарх индекси ҳисобланади.

Истеъмол нархлари индекси (ИНИ) – инфляция даражасини ифодалайдиган асосий кўрсаткичлардан бири бўлиб, ўртача истеъмолчи харид қиладиган товар ва хизматларнинг ўзгармас тўплами қийматининг умумий ўзгаришини ҳисоблайди.

Маълумотларга кўра, 2018 йилнинг январь-декабрь ойлари давомида озиқ-овқат маҳсулотлари нархлари ўртача 14,9 фоизга қимматлашди. Бу эса, ўз навбатида, умумий ИНИнинг ўсишига 6,4 фоиз таъсир этди. Биргина, нон, гўшт, сут ва мева-сабзавот маҳсулотлари нархларининг қимматлашиши натижасида ИНИнинг ўртача 5,5 фоизга ошишига олиб келди.

Ноозиқ-овқат товарлари нархларининг 12,5 фоизга ошгани ИНИнинг 4,4 фоиз ўсишига олиб келди. Кийим-кечак, пойабзал, газлама ва эшилган иплар, қурилиш моллари, дори-дармонлар, автомобиллар учун ёқилғи ва ёқилғи маҳсулотлари, шахсий гигиена маҳсулотлари нархларининг ошиши жами ИНИнинг 20,4 фоизга тенг бўлди ёки инфляциянинг умумий ўсишига 3,5 фоизда таъсир қилди.

Шунингдек, мамлакат аҳолисига хизмат кўрсатиш бўйича нархлар ва тарифлар йил давомида ўртача 15,8 фоизга ошган.

– Ҳар ойнинг якунида инфляция даражаси, нарх-наво кўрсаткичларига оид маълумотлар қўмитанинг www.stat.uzрасмий сайтида жойлаштириб борилади, – дейди Давлат статистика қўмитаси ахборот хизмати раҳбари Усмон Абдурасулов. – Шунингдек, Давлат статистика қўмитаси томонидан мунтазам равишда мамлакатнинг етакчи олий ўқув юртларида ўтказилаётган семинарлар ва давра суҳбатларида ҳам инфляция даражаси кўрсаткичларига оид маълумотлар эълон қилиниб, оммавий ахборот воситаларида кенг ёритилмоқда.

Матбуот анжумани давомида мамлакатимизда амалга оширилаётган ижтимоий-иқтисодий ислоҳотлар ва уларнинг натижалари бўйича қиёсий статистик таҳлиллар тақдим этилди.

Тадбирда журналистларни қизиқтирган саволларига мутахассислар томонидан атрофлича жавоб берилди.

Г.БОБОЕВА, ЎзА мухбири    

Возврат к списку


загрузка карты...